Salam alaikom rakan sahabat
Jak tameusapat di kemenag Abdya
Lage biasa bak uro jumat
Geutanyo meuhat ta meuseu raya
Menyo tanyo sapu pakat
Beurangkapat sabe teuga
Jambo Bale ek ta angkat
Pulom sahbat rangkang tuha
Beusapu kheun sapu anggok
Rangkapu trok ek tahila
Adak miseu pijampoh jok
Oh karayok dumpu jiba
Wate dilaot sapu pakat
Troh u darat pih beu sama
Saban haba oh na bakat
Sapu pakat oh na geumpa
Meuseu raya uro jum’at
Bak meu hormat uro mulya
Yang na wate rakan sahbat
Neujak ligat u kemenag abdya
Menyo neujak bit kamo preh
Hana daleh dakpih jula
Neuba cangkoi parang ngon linggeh
Menyo na kueh kupi ngon bada
Memada oh no haba meurawi
Meah hai akhi menyo na desya
Menyo na umu panyang Allah bri
Bak laen kali sambong calitra