Deungo lon kisah wahe e rakan
Nanggroe sigupai awai calitra
Kanto kemenag na dinanggoe nyan
Dengon karyawan ramah seudia
Budaya kerja na limong ragam
Mantong geu jalan sampo a’n lusa
Limong budaya bereh hana ban
Inong ngon agam mandum lam dada
Budaya yang phon nyan integritah
But dengon babah sama calitra
Ban yang geupubut meunan geupeugah
Kiban geupeugah meunan laksana
Budaya keudua profesionalitah
Tamse geupeusah ureung seutia
Geujak ngon geuwo wate cit kapah
Hana istilah teulambat keurja
Budaya keu lhe syara meutuah
Inovasi sah geu lakap kata
Pike meubeda dari yang leupah
Carong meutuah bak cipta karya
Tanggong jaweub teuma yang keu peut
Rayeuk ngon ubeut tingku beu sama
Dak miseu tamse parang ngon sadeup
Maseng2 but na yang po jeumba
Teuma keu limong rakan meutuah
Keteladan sah geu rasi haba
Beujeut keu contoh but dengon babah
Hana meukilah ngon cacat cela